Chile-Greenland. Assi: Nunarput / Toqqorsivik

Kalaallit Nunaat – Chile

Ullumi nalunaaqutaq marlunut unamminissaq Kalaallit Nunaata oqaluttuarisaaneranut pingaaruteqartuuvoq. Nunarput nunarsuarmi pissartanngorniunnernut (NP) anngunnissaminut periarfissaqarpoq.

Kalaallit sapaatip-akunnera sinnerlugu assammik arsarlutik unammisaqattaareerlutik ippassaq anngunniunnissat aappaanut inissipput, taamaalillutik inissiffissat pingajuat Chilemut unammissutigissallugu. Ajorsartoq sisamaattut inississaaq, taamalu NP-mut ingerlaqqissanani.

Argentina aamma Brasilia nalunaaqutaq sisamanut pissartanngorniullutik unammissapput.

Marlunut unamminermi kalaallit ajugaagunik, 2019-imi NP-mut anngutissapput, NP-lu Tyskit Nunaanni Danmarkimilu januaarimi ingerlanneqassaaq.

Nunarsuaq tamakkerlugu assammik arsartartut kattuffiata (IHF) tulleriiaarinerani, nunarput 50-iusuni normu 40-tut inissisimavoq.

Aaqqissuisut

Nunarput pillugu sammisaqarfik