Nalinginnarmik unamminermi kalaallit kingulliullutik 31-raartut, taamalu unammineq sivitsorlugu.

Kalaallit Nunaat anngutinngilaq

36-39.

Ualimut Nuummi Inussivimmi Pan Am 2018-imi nunarsuaq tamakkerlugu unamminissanut anngunniunnermi Kalaallit Nunaat 36-eraartoq, Chile 39-raarpoq. Nikinnermi naligiipput, tamarmik 16-inik isertitsillutik.

Unammineq 2 x 5 minutsinik sivitsorneqarpoq, nalinginnarmik unamminermi naligiimmata, tamarmik 31-raarlutik.

Taamaalilluni Kalaallit Nunaat nunarsuaq tamakkerlugu pissartanngorniunnissanut anngutinngitsoorpoq, unamminermi sisamaattut inissilluni.

Aappaagu januaarimi Tyskit Nunaanni Danmarkimilu unammersuarnissani Chile pingajuattut inissilluni ilaasussanngorpoq. Peqatigissavai Argentina aamma Brasilia. Taakku ualimut ajugaaniullutik unammissapput.

Kisianni qanorluunniit kalaallit angusaat kusanartuuvoq. Amerikap nunavissuini nunarput sisamaattut inissippoq. Kalaallillu tapersersuisimanerat tapersersuinerallu nipilersoqataasoq nalunanngilaq.

Arsaqataasut tamassi pilluaritsi, qujanarlu! GHF pilluarit! Kalaallit Nunaat pilluarit!

Aaqqissuisut

Nunarput pillugu sammisaqarfik