Issittumi ukioq manna issaasattoq

Ukioq manna issittoq ataatsimut isigalugu issaasassimavoq, aamma tamanna NSIDC-p kingullertigut paasissutissanik katersisimanerata takutippaa.

NSIDC ilaatigut tassaavoq USA-mi issittoq pillugu aputeqassutsimik sikoqassutsimillu paasissutissanik katersivik.

marsi_sikoqassuseq
Marsip qulingani sikup isorartussusia. Tungujorasaarnerusut saannerupput. Tigusiffik: NSIDC.ORG

Februaarimi issittumi sikup isorartussusia annikinnerpaajuarsinnarpoq, agguaqatigiissillugu 13,9 millionit kvadratmeterinik isorartussuseqarluni. Agguaqatigiissillugu februaarimi aatsaat taamak sikoqanngitsiginera naammattoorneqarpoq. 1981-miit 2010-p tungaanut agguaqatigiissillugu 1,4 millionit kvadratmeterinik sikusimannginneruvoq.

Ukioq mannalu immikkut pisoqarsimavoq, NSIDC allappoq. Februaarip naalernerani kujasissumiit silaannaq kissartoq avannaarsuanut pisimavoq, Qalasersuarlu pisarnermiit 20-30 gradinik kiannerusimavoq, taamalu kiaa qerilerfimmiikkunnaarsimalluni. Kalaallit Nunaata avannaani, Cape Morris Jesupimi, akunnerit arlallit kiassiut 0 gradimut pisimavoq, aamma nunatta avannaarsua sikuernerulersimavoq. Taamatuttaaq pisoqarpoq Beringip ikerasassuani, Siberiami aamma Alaskap sineriaani

Ukioq manna issittumi sikuniarnera sumiiffinni arlalinni kingusissukkut pisimavoq. Beringip ikerasassuani, Barentip imartaani aamma Kalaallit Nunaata Kangiani sikuniarnera qaammammik ataatsimik kingusinneraluni pisimavoq. Sikuniaasaarsimaneralu ukiuunerata ingerlanerani sikup issusseseqalersinnaaneranut sunniuteqarpoq.

sikukilliartornera
Ukiut ingerlanerini Issittumi sikup isorartussusiata annikilliartorsimanera. Tigusiffik: NSIDC.ORG

Aaqqissuisut

Nunarput pillugu sammisaqarfik

%d bloggers like this: