Isorartunerpaamik aqqusinniortut

Maanna Alaskami Kuskokwimip kuuani sikukkut aqqusineq aatsaat taamak takitigisoq piareersarneqarsimalerpoq. Aqqusineq ippassaq nammassineqarpoq, 320 kilometerinillu takissuseqarluni Bethelimiit Crooked Creekimut isorartussuseqarpoq. 

Inuit Eqqillillu suleqatigiillutik qaammatini arlalinni naammassiniarsimavaat. Taamak sumiiffimmi Inuit Eqqillillu tusagassiorfiat, Kyuk allappoq.

berthel_croorked
Sumiissusersiut.

Immap tungaanut kuussuit marluk – Yukon aamma Kuskokwin – siammarfissuanni 25.000-it missaat najugaqarput, 85 procentiilu tassaapput Yupit aamma Athabaskanerit (Eqqillit, aaqq.).

 

– Ulloq nuanneqaaq, aamma assammittaartoqaqaaq, Mark Leary, Napaimutemi ineriartortitsinermut pisortaq oqarpoq.

Kuussuup sikusimanera aatsaat taamak isorartutigilersimavoq, aamma naak ukiuunerani rekordiliilluni sumiiffimmi kiattarsimagaluartoq. Kiattarnera pissutigalugu aatsaat januaarip qeqqata missaani aqqusinniorneq aallartinneqarsimavoq, sungiusimasamut sanilliullugu qaammammik ataatsimik kingoqqutsilluni.

– Nivaatarsuit atukkatta nutaanersaat tassaavoq ukiunik 25-nik pisoqaassusilik. Taanna Tumlistamik atserparput, isumaqarporlu tumiliortartoq, Leary illalaarluni oqarpoq.

Sikumi aqqusineq inuiaqatigiinnut tamanut, minnerunngitsumillu aqqutaani illoqarfinnut, aningaasarsiornikkut pingaaruteqarpoq. Taamaalilluni aamma timmisartunik angalanerit akisoqisut pinngitsoorneqarsinnaalertarput, aqqullu naalakkersuisut allaffeqarfiannit, niuertunit inuinnarnillu atuukkallartillugu atorluarneqartarpoq.

 

Aaqqissuisut

Nunarput pillugu sammisaqarfik

%d bloggers like this: