Islandimiut Kinami mingutsitsinermut akiuisussanngortut

Arctic Green Energy aamma Sinopec Green Energy Geothermal maanna Kinami suliassaqarlualerput. Asian Development Bank aqqutigalugu aningaasaliissutissat 250 millionit dollarit (1,5 mia. kr.) qularnaarneqarsimapput, taakkulu atorlugit Kinap mingutsitsinnginnerunissamik anguniagaanut suliaqartussanngorput.

Illunut aamarsuit, uulia gassilu atorlugit kiassaasarnerit nillalaarsaatinullu atuisarnerit, nukissaq ataavartoq atorlugu allanngortinneqassapput.

Isumaqatigiissut ullumi Reykjavikimi atsioqatigiissutigineqarpoq.

Arctic Green Energy tassaavoq Islandimiut suliffeqarfiutaat, nunap iluani imeq kissartoq atorlugu nukissiornermut sammisalik ilisimasalillu. Sinopec Green Energy 2006-mi aallartinneqarsimavoq, taannalu Arctic Green Energymit aamma Kinamiut suliffeqarfiutaanit, Sinopecimit, pigineqarpoq.

Sinopec Green Energy nunap iluani imeq kissartoq atorlugu nukissiornermut nunarsuarmi maanna annersaavoq. Suliffeqarfik Kinami illoqarfinni 40-ni 328-nik nukissiorfiuteqarpoq.

The Asian Development Bank 1966-mi pilersinneqarpoq, nunanillu 67-nit pigineqarpoq.

Taamak mbl.is allappoq.

 

 

Aaqqissuisut

Nunarput pillugu sammisaqarfik

%d bloggers like this: