Islandimiut 3 procentimik amerleriarput

Januaarip aallaqqaataanni Islandimi najugaqartut amerlassusaat tassaavoq 348.450, siornamut sanilliullugu 10.101-nik, imaluunniit 3 procentinik, amerleriarsimallutik.

Angutit (177,600) 3,8 procentimik arnallu (170,850) 2,1 procentimik amerleriarsimapput.
Sumiiffinni ataasiakkaani innuttaasut amerlassusaat aallaavigalugu agguaqatigiissitsigaani, Islandip kujasinnerusortaani innutaasut amerleriarnerusimapput, tassani 7,4 procentimik amerleriarsimagamik. Reykjavikimi najugallit assinganik naatsorsoraani, 2,6 procentimik amerleriarsimapput.

Illoqarfiit arfineq-sisamat 5.000-it sinnerlugit inoqarput, najugaqarfiillu katillugit 74-upput. Najugaqarfiit arfineq-marluk 100-t ataallugit inoqarput aamma foorut 1.000 ataallugit inoqarput.

Taamak Islandimi naatsorsueqqissaartarfik ilisimatitsivoq.