Qaanaami aalisartut novemberimiit juuni tikillugu sikumi aalisartarput. Assiliisoq: RG

Inughuit Seafood siuariartorpoq

2014-mi Qaanaami aalisartut Royal Greenland piginneqatigalugu Inughuit Seafood A/S aallartippaat. Maanna tunisassiarineqartut quleriaammik amerleriarsimapput – 20 tonsiniit ullumikkut 225 tonsinut.

Inughuit Seafood A/S-p tunisasiorfiani siornatigut qalerallit ilivitsuutillugit tunisassiarineqartarnikuusut ukioq manna sulisut ilinniartinneqareernerisigut niaquikkanik paperuiakkanillu tunisassiortalerput.

– Naak qaleralinnik niaquikkanik paperuiakkanillu tunisassiorneq kingusissukkut aallartikkaluartoq taamaattoq ukioq manna annertunerusumik qaleralinnik niaquikkanik paperuiakkanillu suliaqarlutik inuit 20-nit ikinnerunngitsut Inughuit Seafood A/S-p tunisassiorfiani sulipput. Neriuutigaarput ukiup tullissaani siusinnerusukkut tunisassiulerumaarluta, ingerlatsisoq Niels Ole Møller RG-p allaaserisaanut oqarpoq.

– Qalerallit pisarineqartut amerlanerpaartaat Qaanaap eqqaani pisarineqarput, 71 tonsillu missaat Qeqertat eqqaani pisarineqarput, Niels Ole Møller oqarpoq.

2017-2018-imi Inughuit Seafoodimut tunisisartut 4 millionit koruunit missaat aningaasarsiarisimavaat.

Aaqqissuisut

Nunarput pillugu sammisaqarfik