Innarluutillit atugaat pitsaanerulissapput – immaqa

Juunip 28-ani naalakkersuisunut ilaasortaq, Anthon Frederiksen, Danmarkimi angalareersimalluni avammut allappoq, ‘naalakkersuisut innarluutillit atugaasa pitsanngorsaavigineqarnissaat sulissutigigaat, aamma ingerlaavartumik innarluutilinnut angerlarsimaffiit sinaakkutaat pitsanngorsaavigineqartut’.

Kingorna Nunarput aperaaq, suut pitsanngoriaatissatut piareersarneqarnersut.

Aamma atuaruk: Innarluutillit atugaat pitsaanerussapput

Isumaginninnermut Naalakkersuisoq, Anthon Frederiksen akivoq, innarluutilinnut inatsit 1994-meerpoq, kingorna 2009-mi Naalagaaffiit Peqatigiit isumaqatigiissutaanneersunik ilaartorneqarsimasoq, oqariartuuteqarnermi pigini.

– Naalakkersuisut suliniutigaat inatsimmik siunnersuuteqarnissaq, taamalu qularnaarneqassasoq Nalaaffiit Peqatigiit isumaqatigiissutaannut tunngatillugu naleqquttumik atuutsinneqarnersoq, aamma innarluutillit atugaat pillugit ineriartortitsisoqarsimanersoq, Anthon Frederiksen allappoq. – Naalakkersuisut innarluutillit ilaqutaasa peqataatinneqarnerunissaat qanoq iliornikkut anguneqarsinnaanersoq aamma suliniutigivaat.

– Massakkut siusippallaarpoq oqaatigissallugu qanorpiaq inatsisissatut siunnersuut imaqassanersoq, Anthon Frederiksen akissummini allappoq.