Inger Kuitse Katuami

Inger Kuitse tallimanngorneq marsip 23-ani Katuami ualikkut nalunaaqutaq tallimanut nipilersorluni tusarnaartitsissaaq.

– Meeraallungali erinarsorneq soqutigisarivara. Nipilersuutinik atuisalerpunga 17-it missaanik ukioqarlunga. Aqqalugalu nipilersorneq soqutigisarilersimavarput, Inger Kuitse oqarpoq.

– Siullerpaamik sassaqqaarpunga 2015-mi Qaqortumi X-Factorertitsisoqarmat. Tassanilu ajugaasut akornanniippunga. Tassanngaanniillu inunnut sassarsinnaaneq ilikkariartulersimavara, Inger oqarpoq.

Tallimanngornermi 23-ani tusarnaartitsileruni eqqissisimasunik nipilersorneq aallunnerussallugu oqarpoq.

– Arriikkaluartunnguamik ingerlarsorujoorlunga nuannarisakka malinniartuartarpakka, Inger Kuitse oqarpoq.


Sumi: Inersuaaqqami, Katuaq, Nuuk.
Ulloq: Marsip 23-at nal. 17:00.
Iserneq akeqanngilaq.

Aaqqissuisut

Nunarput pillugu sammisaqarfik

%d bloggers like this: