Imminut sullinneq atorunnaartariaqarpoq

Paninguak´ M. Kruse isumaqarpoq, Inatsisartuni issiassagaanni inuiaat inatsisitigut toqqammaveqartumik sulissunneqarnissaat pingaaruteqartoq. Paninguak’ Atassut sinnerlugu Inatsisartunut qinigassanngortippoq.

– Nunatta inatsisit tunngavigalugit ingerlanneqarnissaanut Atassut pingaartitsisuuvoq, aamma naleqquttunik inuusaasitsinnut, kulturitsinnut ingerlatsinitsinnullu tulluarsaaniarpugut. Siulersuisulersortarnikkut inuit pikkoriffillit atorluarusuppagut, tassami Namminersornerullutik Oqartussat suliffeqarfissuisa siulersuisulersortarnerini inuit qinikkat inangersimasarinnissanngillat. Nunatta innuttai ilisimasallit pikkoriffillillu atussavagut, Paninguak´ M. Kruse oqarpoq.

– Partii tunuliaqutaralugu aallartitaasussatut innersuussat tulluanngillat, pissutigalugu issiavinni nunaqavissut innersuunneqartariaqartarnissaat pingaartissagatsigu. Inatsisartuni issiasut suliassarpassuaqareerput akisussaaffeqareerlutillu, saniatigut akisussaaffinnik tingummiaqartariaqanngillat. Nunaqavissunik inissiinissaq pingaaruteqarpoq aamma inuiaqatigiinnut nukissaqarlutik tunniusimaffeqarsinnaasut upperaakka, Paninguak´ M. Kruse oqarpoq.

 

Aaqqissuisut

Nunarput pillugu sammisaqarfik