Ilagiit ilaasortaqarluartut

Ukioq manna januaarip aallaqqaataani ilagiinni ilaasortat 94,4 procentiupput. Tamanna Kalaallit Nunaanni Ilagiit kingullertigut kisitsimmata erserpoq.

Taamaalilluni ilaasortaqassuseq 2017-mut naleqqiullugu allannguuteqarsimanngilaq. 2016-mi januaarip aallaqqaataani 94,5 procentiusimapput, 2015-mut sanilliullugu 0,1 procentimik ikileriarsimallutik.

Ilaasortaqassuseq Kalaallit Nunaanni inunngorsimasuniunnaq naatsorsuukkaanni 97-procentiuvoq.

Kalaallit Nunaanni Ilagiit Danmarkimi ilagiinnut ilaapput, namminerisaminnillu biskoppeqarfinngorput 1993-mi novembarip aallaqqaataani, aamma ulloq taanna nammineq biskopeqalerput. Inatsisartut ilagiinnut tunngasutigut inatsisiliortutut inissisimapput aamma allaffissornernikkut ingerlanneqarnera Ilageeqarnermut Naalakkersuisoqarfimmit ingerlanneqarpoq.

 

Aaqqissuisut

Nunarput pillugu sammisaqarfik

%d bloggers like this: