“Icelandic” Islandimut uterpoq

Islandimi aalisarnerup iluani suliffeqarfiusimasoq, Icelandic Group, maanna nunanut allanut allatut ateqalerluni tunineqarsimasoq, inuiaqatigiinnut utertitsivoq. Piginnittorisimasaasa ilisarnaatit “Icelandic” aamma “Icelandic Seafood” Islandimi naalakkersuisunut tunniuppaat.

Ilisarnaat Icelandic.

Tigusisuupput aningaasaqarnermut naalakkersuisoq, Bjarni Benediktsson, aamma nunanut allanut naalakkersuisoq, Guðlaugur Þór Þórðarson. Tunniussineq Reykjavikimi pivoq, tusagassiuutinut nalunaarummi erserpoq.

Ilisarnaatit Icelandic Trade Holdingimit (ITH) pigineqarput, taannalu Icelandic Groupip amiakkoraa. ITH-p piginneqataassutai Islandip naalagaaffianut tuninerisigut ilisarnaatit tunniunneqarput, aamma ITH taamaalilluni matuneqarpoq.

Siunertaasoq tassaavoq ilisarnaatit taakku siunissami Islandimi suliffeqarfinnit atorneqarsinnaassasut, taamalu nunarsuarmi aalisarnerup iluani pitsaassutsimut ilisarnaatit ilisimaneqarluartut atuinnarneqassasut. Icelandic Group 1942-mili ingerlasimavoq.