ICC-p inernera

ICC trettenissaanik Alaskap avannaani Utqiaġvik’mi ataatsimeersuareersimalerpoq. Tusagassiuutinut nalunaaruteqarlutik ICC allappoq, ataatsimeersuarneq pissusissamisut ingerlasimasoq aamma iluatsissimasoq.

Inuit 64-it Utqiaġvik’mi katersuussimapput, taakku saniatigut ikiuuttut, kulturilerisut allallu peqataallutik. Ullut sisamat ataatsimeersuartoqarnerani ilisimasallit saqqummiussisarsimasut oqaatigineqarpoq, sammisat ilaatigut makkuullutik: Aningaasarsiornikkut ineriartorneq, pisuussutinik nakkutilliineq aamma oqaatsit.

Ileqqoq naapertorlugu maanna Alaska siulittaasoqarfimmik tigumminnissaaq, tamannalu ukiut sisamat tulliuttut ingerlassaaq. ICC-mi siulersuisut ima inuttaqalerput:

Siulittaasuuneq: Dalee Sambo, Alaska.
Siulittaasoq: Jimmy Stotts, Alaska.
Tullia: Vera Metcalf, Alaska.
Siulittaasoq: Monica Ell-Kanayuk, Canada.
Tullia: Lisa Koperqualuk, Canada.
Siulittaasoq: Lubov Taian, Chukotka.
Tullia: Elena Kaminskaya, Chukotka.
Siulittaasoq: Hjalmar Dahl, Kalaallit Nunaat.
Tullia: Nuka Kleeman, Kalaallit Nunaat.

Ataatsimeersuarneq pillugu paasissutissat sukumiinerusut uani atuarneqarsinnaapput