Guns N’ Roses Reykjavíkimi

Guns N’ Roses Reykjavíkimi tusarnaartitsilerput. Tusarnaartitsineq arsaattarfissuarmi, Laugardalsvöllurimi, juulip 24-ani pissaaq. Pisussaq Islandimi tusarnaartitsisarnerit maannamut annersarissavaat.

guns-n-roses-icelandic-flagIslandimi pisoqartitsisartut, Secret Solstice, pisussamut suliniuteqarsimapput. Sapaatip akunnera atorlugu tusarnaartitsinissamut arsaattarfik piareersarneqassaaq, aamma containerit 35-it Islandimut assartorneqarnissaat pisariaqartinneqassaaq.

Guns N’ Roses 1985-imi Los Angelesimi pilersinneqarput, taakkulu rockimik nipilersorlutik nunarsuarmi nuutinik tunisaqarnerpaanut ilaapput; 100 millionit sinnerlugit.

Bilitsit www.show.is aqqutigalugu pisiarineqarsinnaapput. Tuniniaaneq maajip aallaqqaataani Islandimi nalunaaqutaq 10:00 aallartissaaq. Akit 18.900-miit aallartissapput (1.200 koruunit missaat).

 

 

Aaqqissuisut

Nunarput pillugu sammisaqarfik

%d bloggers like this: