Facebooki ulluluppoq

USA-mi Facebookimik atuisut 50 milliuunit paasissutissaataanik tillinniarfigineqarsimasut New York Timesip uleereeraalu atuisut kamattorujussuanngorput.

Paasissutissat tillinneqarsimasut siusinnerusukkut allaaserineqareersutut, Donald Trumpip præsidentitut qineqqusaarneranut atatillugu qinersisartunik sunniiniarnermut atorneqarsimapput. Tamanna siunnersuisarfik Cambridge Analytica aqqutigalugu pisimavoq.

– MySpace qimapparput, aamma Facebook qimassinnaavarput, atuisut ilaat allappoq.

Forbes allappoq, pineqartoq tunngaviatigut tassaasoq ulluinnarsiutigalugu ilisimatuut, suliffeqarfissuit, naalakkersuisut aamma inuit atassuteqaqatigiiffianni suliaqartut iliuuserisartagaat – nunarsuarmi inuit sisamararterutaasa imminnut tunngasunik paasissutissanik tunniussisimanerat atorlugu.

– Cambridge Analytica inupiluttut pinnagu taamak iliortitsisinnaanngortoq pineqartariaqarpoq: Facebook, Forbes ilaatigut allappoq.

Siorna perngarluni Facebooki nalunaaruteqarpoq, atuisut 1 milliuunit annaasimallugit.

Aaqqissuisut

Nunarput pillugu sammisaqarfik

%d bloggers like this: