Facebooki qajassuunnagu tillinniarfigineqarsimasoq

Facebookimik atuisut 50 milliuunit namminermut paasissutissaataanik Cambridge Analytica tillissimasutut maanna paasineqarpoq.

Oqaatiginnittup oqaluttuaraa qanoq USA-mi præsidentimut taamani qineqqusaartup, Donald Trumpip tapersersortaa, Steve Bannon, paasissutissat taakku atorlugit Amerikami qinersisartunut sunniiniarsimanersoq.

Paasissutissanik katersilluni suliaqarnermik ingerlatsisartoq, Cambridge Analytica, Trumpip qineqqusaarnerani aamma peqataasimavoq. Suliffeqarfillu Facebooki aqqutigalugu USA-mi qinersisartut pillugit paasissutissanik milliuunerpassuarnik tillissimavoq. Pisorlu akuerineqarani paasissutissanik tigooraasimanerit annersaattut naatsorsuunneqarpoq. Paasissutissat atorlugit qinersisartut qanoq qinersinissaat eqqoriarneqarsinnaanngorsimavoq aamma sunniiniarnermut paasissutissat taakku atorneqarsimapput.

Cambridge Analytica, milliardærimit Robert Mercerimit pigineqartoq, anngiorluni 2014-ip aallartilaarsimalernerani paasissutissanik tillissimavoq.

– Facebooki atornerlullugu paasissutissat inunnut tunngassuteqartut milliuunilikkaat tilleriarlugit, paasissutissat taakku atorlugit qanoq pingaartitaqarnerat tunaartaralugu sunniiniarfigisimavagut, Christopher Wylie, suleqataasimavoq oqarpoq (asseq takuuk).

Facebookip uppernarsarpaa, 2015-ip naalernerani atuisut 50 milliuunit pillugit paasissutissaatiminnik tillinniartoqarsimasoq paasisimagitsik. Taamaakkaluartoq atuisuminnut ilisimatitsinissartik pinnagu, qanoq atornerluinerup unitsinneqarsinnaanera Facebookip taamaallaat ingerlassimavaa.

Taamak ilaatigut Observer, New York Times allallu allapput.

Aaqqissuisut

Nunarput pillugu sammisaqarfik

%d bloggers like this: