Eqqaaniutitut kamippaat 7.000-it

Meeqqat aallaasersortunit toqutaasimasut eqqaaniarlugit Washington DC-mi kamippaat tuusintilikkutaat iliorarneqarsimapput. USA-mi aallaasit ajornanngippallaamik pissarsiarineqarsinnaanerat unitsinniarlugu iliuuseqarnerusoq aaqqissuisut oqarput.

‘Meeqqavut pillugit eqqaassutissaq’ kamippaat 7.000-t atorlugit takutitsineruvoq, erseqqissarniarneqartorlu tassaavoq 2012-miit meeqqat taamak amerlatigisut USA-mi aallaasersornikkut toqunneqarsimammata. Aaqqissuisuupput iliuuseqarniartartut Avaaz.

– Nipaatsumik takutitsineq inatsisiliortunut oqariartorneruvoq, kikkulluunniit imaaliallaannaq inoqatinut aallaasersornissamik periarfissinneqassanngitsut, aamma USA-mi aallaasinut tunngatillugu inatsisit sukaterneqarlutik allanngortinneqartariaqartut, Avaaz sinnerlugu oqaaseqartitaq, Oscar Soria oqarpoq.