DR-i akileraarutitigut aningaasalersorneqalissaaq

Ulloq manna tikillugu Danmarkimi naalagaaffiup tusagassaqartitsivia, Danmarks Radio, atuisut pinngitsooralutik ukiumut akiliuteqartarnerisigut aningaasalersorneqartarsimavoq.

Ullumi Danmarkimi naalakkersuisut Dansk Folkepartiilu isumaqatigiipput, DR-i ileqqaarfiginiarneqarlunilu siunissami akileraarutit aqqutigalugit aningaasalersorneqalissasoq.

Atuisut ukiumut akiliuteqartarnerat ukiut tallimat ingerlaneranni peersikkiartuaarneqassaaq, aamma piffissami tassani DR-i 20 procentinik ileqqaaruteqassaaq. Ullumi DR-i 3 milliardit sinnerlugit atuisut akiliutaanik kaaviijaartitaqarpoq.

Danmarkimi kultureqarnermut ministeri oqarpoq, ileqqaartussaatitaaneq DR-ip imminut eqqarsaatigeqqinnissaanut periarfissiissasoq.

Naalakkersuisut aamma Dansk Folkeparti ilaatigut oqarput, pisinnaasut allat periarfissinniarlugit DR-i ileqqaarfigineqassasoq, illuatungiliuttullu taamak allannguitigisoqartiginissaanut peqataajumanatik ilisimatitsereerput.

Pineqartoq massakkumut ukiorpassuit oqallisigineqarsimavoq, naatsorsuutigineqareersimavorlu naalakkersuisut arlaatigut DR-imik millisaallutik aallartitsissasut.

 

Aaqqissuisut

Nunarput pillugu sammisaqarfik

%d bloggers like this: