DASK 60-liivoq

Dansk Aritmetisk Sekvens Kalkulator, DASK. Qarasaasiaq illutut angitigisoq 1958-mi februaarip 13-ani atoqqaarfissiorneqarpoq, 3,5 tonsinillu oqimaassuseqarluni. ‘Eqqaamasarfia’ 0,0005 MB-titut annertutigaaq.

Ullumikkut qarasaasiat angallattakkat (mobiilit) nalinginnarmik 16 GB-nik ‘eqqaamasarfeqarput’.

DASK siullermik atorneqarami Folketingimut qinersinermut kisitsissutitut atorneqarpoq, taamalu nunatsinnut tunngassuteqartumuttaaq atorneqarluni.

Qarasaasiaq 1958-miit 1966-p tungaanut atorneqarpoq, kingornalu toqqortarineqalerluni. Maanna Danmarks Tekniske Museumimi tammatsaalineqarpoq.