Chile bronzinnalluni ingerlaqqippoq. Assiliisoq: Federacion Chilena De Balonmano

Chile festerpoq

Chilemi nutaarsiassaleriviit assammik arsarnermi Chilip angusaanut nuannaarput. El Mercurio ilaatigut allappoq, Chile ajugaaqqarluni Danmarkimi Tyskillu Nunaanni pissartanngorniunnissamut annguttoq.

– Misigissutsit imaaginnavipput. Unammineq sivitsorneqarluni Chile ajugaavoq, taamalu nunarsuaq tamakkerlugu pissartanngorniunnissamut anngulluni. “Aappalaartut” bronzinnanniunnermi unammivissorpaat, nalinginnarmik unamminermi naligiillutik tamarmik 31-raaramik, El Mercurio allappoq.

– Chile ullumi nunarsuarmiut akornannut allatsippoq, taamalu 2019-imi Danmarkimi Tyskillu Nunaanni unammersuarnissanut peqataassalluni. Taamak aamma 2016-imi pisoqarpoq, taamani Chile unamminerni tullertut inissikkami – maanna nuna katersuuffiusoq ajugaaffigalugu. Ersaartaassassaapput, El Mercurio ilaatigut allappoq.

Aaqqissuisut

Nunarput pillugu sammisaqarfik