Castro kingoraarneqarpoq

Cubap ‘inatsisartui’ ulluni makkunani Havanami ataatsimiittut nutaamik siulersortissaminnik toqqaapput. Cubamiunullu amerlanernut ateq “Castro” siullerpaamik ilaanngilaq.

Illuatungilerneqarani toqqarneqarpoq Miguel Díaz-Canel Bermúdez, ullumimut præsidentimut Raúl Castromut 86-inik ukiulimmut tullersortaasimasoq. Miguel Díaz-Canel Bermúdez 57-inik ukioqarpoq.

Miguel Diaz-Caneli kommunistit partiiannut ilumoorluartutut ilisarisimaneqarpoq, naallu Díaz-Canelip siulersortinngornissaa ukiorpassuarni ilimagineqartarsimagaluartoq, allat ilanngullutik aamma ilimagineqartarsimagaluarput, kisianni partiimut tunniusimanerat apeqquserneqartarluni taakku tunuartinneqartarsimapput.

Aaqqissuisut

Nunarput pillugu sammisaqarfik

%d bloggers like this: