Canadami naalakkersuisut Nunavummi inerisaanissamut aningaasaliisut

Ottawami naalakkersuisut aamma Nunavummi naalakkersuisut sapaatip-akunnerani kingullermi isumaqatigiipput, Nunavummi nunap atortulersorneqarnissaa ataqatigiinnermullu aaqqissuussinissat assigiinngitsut aallartinniarlugit.

Ukiumut 56,6 millionit dollarit (264 millionit koruunit) siunertamut atorneqartassapput.

Isumaqatigiissut 2028-ip tungaanut ingerlassaaq, taamalu ukiut qulit ingerlaneranni 3,5 milliardit koruunit atortulersuinermut atorneqassapput.

Isumaqatigiissummi piumasaqaataavoq, Nunavut nammineq ukiuni taakkunani 880 millionit koruuninik aningaasaliissuteqassasoq.

Aningaasat atorneqarfissaat ilaatigut makkuupput:

Nukissiuutit, illut naleqqussarnerat, aqquserngit, timmisartoqarfiit, qasaraasiatigut attaveqaatit, peqqinnissaqarfik aamma nerisassat isumanaatsuunissaat.

Aaqqissuisut

Nunarput pillugu sammisaqarfik

%d bloggers like this: