Bubbi Morthens ilisariuk

Sanilitsinni, Islandimi, nipilersortartoq inuiaqatigiinni ilisarisimaneqarluartoq tassaavoq Bubbi. Ilisarisimaneqarnera tassaaginnanngilaq nipilersugarpassui, aammali inuttut inuiaqatigiinnilu isornartorsiuisartutut ilisarisimaneqarpoq.

bubbi_morthens_2
Bubbi Morthens

Bubbi nunatsinnut assersuunneqassaguni Juaakamut aamma Rasmus Lyberthimut ataatsikkut assersuunneqarsinnaagunarpoq.

Bubbip taalliullaqqissuunini erinniullaqqissuuninilu ilisarnaatigai, minnerunngitsumik pissaanilinnut isornartorsiuisarnera nalunnginneqarluarpoq. Taallioraanngami oqaatsinik atuillaqqissuuvoq, soorlulusooq oqaatsit itsinerat qaqeerarneqartut.

Bubbi Morthens 1956-mi juunip arferngani Reykjavíkimi inunngorpoq, kuisissutigaalu Ásbjörn Kristinsson Morthens. Danskimik anaanaqarpoq, ataataalu ‘affarmik’ Islandimiuuvoq – Islandimiunit Norgemiunillu kingoqqisuulluni.

1980-kkunnili nipilersortarsimavoq, naallu nipilersoqaterpassuaqartarsimagaluartoq kisimiilluni appisimaartarnera nalunnginneqarneruvoq. Ukiut tamaasa uteqqiasumik juullinnginnerani decembarip 23-ani tusarnaartitsisarpoq, tusarnaartitsinerlu pinngitsoorani radiukkut aallakaatinneqartarpoq. Tassani nipilersuataajutigaluni ukiup ingerlanerani pisimasut nuannersunngorlugit tusangiasaarutigisarpai. Aammattaaq Kalaallit Nunaannut inuulluaqqusinissaminut pinngitsoorneq ajorpoq.

Nuusiat 40-t sinnerlugit saqqummersissimavai.

Bubbip nipilersuusiarpassui uani alakkarsinnaavatit: http://www.icelandicmusic.com/Music/ArtistAlbums/2626/bubbi_morthens/

Taalliaasa ilaat:

Bubbi Morthens

Sem Aldrei Fyrr

Suma dreymir gull og græna skóga og gráta þeir eiga ekki meir.
Með gallbragð í munni brosa beiskir og bölva þar til sálin í þeim deyr.
Og Júdas er verðlaus lúser sem lífinu hafnaði segja þeir.

En mig dreymir aðeins þessa einu konu það er eldfimt loftið þar sem hún fer.
Það er gott að elska og eiga hennar hjarta og hún elskar mig eins og ég er.
Og ég veit hvar frelsið er að finna í faðmi hennar það bíður eftir mér.

Og það er vont að vera týndur í veröld sem engar hefur dyr.
Og fyrir þá sem aldrei hafa elskað hlýtur tíminn að standa kyrr.
En ég er ástfanginn
sem aldrei fyrr.

Jú, mig dreymir aðeins þessa einu konu og allan þennan þokka sem hún ber.
Það er gott að elska og eiga hennar hjarta því hún tekur mér eins og ég er.
Og ég veit hvar frelsið er að finna í faðmi hennar það bíður eftir mér.

 

Bubbi Morthens

Aatsaat Taamak

Ilaasa kuultit orpippassuillu qorsuit sinnattorisarpaat pigiunnaarsimasatillu
qissatigisarlugit.
Qungujorujuttarput qaniminni mamarsaratik
ajortumillu oqalullutik tarningernissartik ornittarlugu.
Judas tassaavoq ajorsartoq naleqanngitsoq inuunermillu tigusiumanngitsoq, taakku oqartarput.

Uangalu arnaq una kisimi sinnattoraara taassumap ingerlavii navianartumik silaannaqarput.
Asanninneq uummatimillu piginninneq  nuanneq
uangami apeqqusernanga
asavaannga.
Nalunngilaralu sumi kiffaanngissuseq nanissallugu taassumap eqitsinerani uannut  utaqqiinnartumi.

Parnaarussaalluni sakkortoqaaq silarsuarmi matoqanngitsumi.
Taakkununngalu asannissimanngisaannartunut
piffissaq unissimassaaq.
Uangalu asannilersimavunga
aatsaat taamak.

Aap, uanga arnaq una kisimi sinnattoraara
taassumap pinnerluinnartoq pigimmagu.
Asanninneq uummatimillu piginninneq
nuanneq 
tassami
apeqqusernanga tiguvaannga.
Nalunngilaralu sumi kiffaanngissuseq nanissallugu taassumap eqitsinerani uannut utaqqiinnartumi.