Nanortalik, 2013. Assiliisoq: Toqqorsivik

Biilit atuuffissaqartut

Juulip 24-ani Nunarput allaaserisaqarpoq, Kujallermi sisamanik biilisisimaneq pillugu. Allaaserisami sammineqarpoq Kujalleq utoqqaat illuanut sivisuumik biilissaqartitsisimanani 2017-imi naatsorsuutit naammassineqarsimanerisa kingorna allaffissornikkut atugassanik pisisimasoq. Kingorna allaaserisaq naqqinneqarpoq, tassani borgmesterip ilanngulluni biileqartinneqarneqarnera naqqinneqarluni.

Allaaserisamut tunngatillugu ulloq taanna aamma aqaguani ullaariaa kommunimi nuutsitsivik aqqutigalugu akisussaasut oqaaseqartinniarlugit pissarsiariniarneqartarsimapput, aatsaat aqaguani sianeqqusissummik tunniussinerup kingorna iluatsittumik.

Kommuni kingorna allappoq, biilit pineqartut makkununnga atorneqartussatut pisiarineqarsimasut; Narsami, Nanortalimmi Qaqortumilu isumaginnittoqarfimmut aamma Qaqortumi allattoqarfimmut.

Kommunip ilanngullugit taavai, isumaginnittoqarfiup biilii isumaginnittoqarfiup sulineranut atugassaassut, soorlu suliffiup avataatigut isumaginninnermi pigaartup sulinerani atugassaallutik aamma allattoqarfiup biilii sulinermuinnaq atugassaassut, taamaattoq allaffissornikkut aqutsisunit atorneqarsinnaasartut, aamma taamak pisoqarsimatillugu atuisoq biileqartitaasutut akileraartinneqartartoq.

Kommunip saaffiginnissutimini piumasaraa qulequtaq “tigussukartoq” aamma allaaserisap naqqani Wikipedia atorlugu tigussukarnerup nassuiarneqarsimanera ilumuunnginnerarneqassasut. Tamannali aaqqissuisumit kissaatigineqanngilaq.

Taamaalilluta pineqartoq erseqqissaassuteqarfigaarput.

Aaqqissuisut

Nunarput pillugu sammisaqarfik