Avataarsuani Kinamiut laboratoriaat nakkalersoq

Kinamiut avataarsuani laboratoriaat aqunneqarsinnaajunnaarsimasoq ullut arlaqanngitsut qaangiuppata nunarsuarmut nakkassaaq. Taamak European Space Agency (ESA) naatsorsuisimavoq.

Avataarsuani Kinamiut suliffigisimasaat Tiangong-1-mik taaguuteqartoq 8,5 tonsinik oqimaassuseqarpoq. 2017-mi maajimi Kina Naalagaaffiit Peqatigiiffianut oqariatorpoq, 2016-mi marsimi avataarsualiartaat aqunneqarsinnaajunnaarsimasoq, kisianni pissutaasoq oqaatigiumaneqanngilaq.

Nakkarnissaa inunnut navianartorsiortitsissangatinneqanngilaq. Taamaakkaluartoq Kinamiut oqaaseqarumannginnerat pissutigalugu naatsorsueqqissaarneq ajornarnerusimavoq, aamma suut atorlugit sanaartorneqarsimanersoq annerusumik ilisimaneqanngilaq.

Inuit sanaartorsimasaanik kingullermik avataarsuaniit nakkartoqarmat, nakkartoq tassaavoq Russit avataarsuani suliffigisimasaat Mir. Taannali pisoqalisimammat aqunneqarluni nakkartinneqarpoq. Tamanna 2001-mi pivoq, Mirilu 135 tonsinik oqimaassuseqarpoq.

Tiangongi ækvatorip nalaani nakkassangatinneqarpoq.

tianggong
Tiangongip appariartorsimanera.

Aaqqissuisut

Nunarput pillugu sammisaqarfik

%d bloggers like this: