Artorsartinneqartut ukkataritigit

Partii Naleraq sinnerlugu Inatsisartunut qinigassanngortittoq, Nikku Olsen oqarpoq, nunatsinni pissutsit tupinnanngitsumik eqqartortarivut, aamma pitsaanerusariaqarnerat ilanngullugu.

– Politikikkut aaqqissuussisimanitta killiffia qiviaraanni, inupparujussuarnut eqquigaluttuinnarpoq. Sineriatsinni eqquinerlunneq inunnik artorsartitsivoq. Inuit suliffissaqanngikkaangamik naleqassutsimikkut eqqorneqartarput, Nikku Olsen oqarpoq.

Taanna isumaqarpoq, ullutsinni pissutsit sutigut tamatigut akitsorterinerujussuarmik aaqqissuussiffiusut.

– Pisiassat ulluinnarsiutit akisunerujussuisa saniatigut pisortat suliffeqarfiutaat millionerpassuarnik innuttaasunit aallertarput. Pissutsit taamaatsillugit nunatsinni inuuffigiuminassuseq pitsaanerulersinneqarnavianngilaq, tamannalu allanngortinneqartariaqarpoq.

– Nunarput inuuffigiuminarsassagutsigu taava nalilersuisariaqarpugut susariaqartugununa. Politikikkut tassanngaannartumik iliuuseqartarnerit allanngortinniartariaqarpavut. Inuiattut immitsinnut aallaavigaluta sumi qanorlu pisariaqartitavut tusarnaartariaqarpavut iliuuseqarfigalugillu. Katagaaneq sakkortuallaaqaaq, Nikku Olsen oqarpoq.

Aaqqissuisut

Nunarput pillugu sammisaqarfik

%d bloggers like this: