Arctic Sounds 2018 aallartisaleqaaq

Arpaatit maanna inissipput oqorsaatillu errortassanngortipput – koncerteriarnissamut piffissanngorpoq! Marsip 29-niit apriilip aappaata tungaanut! Taamak Arctic Sounds Festival allappoq.

Sisimiuni ullut tallimat ingerlaneranni tusarnaartitsinissarsuaq, Arctic Sounds 2018, aallartilerpoq. Tassagooq tamarmik piareerput, festival café ammaliivippoq, Aatsitassalerinermik Ilinniarfimmi nipilersorfiliortut naammassipput – nipilersortussallu inissipput.

Sisimiuni kajumissutsiminnik ikiuuttut ulappussimapput ilapputissappullu. Nipilersortussat 56-it, ilarpassui nunanit assigiinngitsunit tallimaneersut, piariilerput, tamakkununnga ilaapput Jonas Hammer, Zika, Peand-eL, Tarrak, Vibeke Falden, Adam Tensta, Da Bartali Crew allallu.

Unnugu Taseralimmi Arctic Circle Race naammassinersiorlugu Arctic Sounds aallartissaaq , tassani Uyarakq, Josef Tarrak, Anders Riis, KimOjax aamma Peand-El appissallutik.

Appisimaartitsineq kisimi siunertaanngilaq
Festivalimi nipilersortut aallartinnginnerani assigiinngitsorpassuarnik pilersaaruteqartoqarpoq, soorlu nipilersortartunut workshopertitsinerit, ataatsimoornerit, festivaliniit allanit takkuttunik naapeqateqarnerit il.il., tamarmik nipilersuusiat siaruarternissaanik periarfissiissussat.

Susoqartitsinissarpassuit uani takuneqarsinnaapput: http://arcticsounds.gl/

Aaqqissuisut

Nunarput pillugu sammisaqarfik

%d bloggers like this: