Arctic Prime Fisheriesip aningaasaliisua aalajaallisarpoq

Islandimi aalisakkerinerup iluani suliffeqarfiit annersaata, HB Grandip, piginneqataassutit 34 procentiat Brimimut tunivai. Brim, Arctic Prime Fisheriesimut aningaasaliisuuvoq.

HB Grandi Islandimi pisassanik peqarnerpaajuvoq, pisassiissutit tamarmiusut 10,9 procentiat pigalugit. Aalisarnermut inatsit naapertorlugu, piginnittoq taakkulu qanitai, annerpaamik aalisakkat ataatsimut nalingisa 12 procentiannik piginnittuusinnaapput. 2017-2018-imut pisassiissutit pingaarnerit 518.000 tonsiupput  – saarulliit 258.000, qalerallit 24.000, suluppaakkat 62.000 ilaalu ilanngullugit.

Brimip piginneqataassutinik pisinera 21,7 milliardit koruuninik naleqarpoq (DKK 1,3 mia.).

Arctic Prime Fisheries, Kujallermi Kangianilu aalisarnermik ingerlatsisoq, 2016-imi 110 millioninik kaaviiaartitaqarpoq.

 

Aaqqissuisut

Nunarput pillugu sammisaqarfik

%d bloggers like this: