Aquttut maskiinalerisullu pisariaqartinneqarnerupput

Suleqatigiissitsisut isumaqarput, aalisarnermut tunngatillugu suliassaqarfiit iluanni aningaasarsiornermut immikkut paasisimasaqartunik nunarput pisariaqartitsisoq.

Assersuutigaat paaserusukkaluarlugu, 2000-p ingerlanerani assagiarsunniarneq aningaasaqarnermut pitsanngoriaateqartitsisimanersoq imaluunniit annaasaqaatigineqarsimanersoq.

Taamak isummersoraluarlutik Suleqatigiissitsisut oqarput, tulleriiaarineq eqqarsaatigalugu massakkorpiaq aquttut, maskiinalerisut, pilittat, fabrikkini pisortat trawlbasillu amigaatigineqarnerusut.

– Qaammatialunnguit matuma siorna umiarsuarmi igasoq oqaloqatigaara. Oqaluttuuppaanga igasunik pissarsiniarneq ajornakusoortorujussuusoq, Michael Rosing oqarpoq.

– Oqaloqatigisama oqaatigaa, umiarsuit kalaallinik inuttaqarnissaat qularnaarniarneqartariaqartoq. Ilumoortorli tassaavoq umiarsuarni naalagarpassuit soraarninngulermata ilinniarsimasullu pikkorissut pigisagut ikittunnguummata. Taamaattumik taarsiissussat naammaqqajanngillat, Michael Rosing oqarpoq.

Taanna isumaqarpoq, umiarsuarni sulisussanik ilinniartitsineq ilungersuutigineqarnerusariaqartoq.

– Tamarmik suliffissaqarput, Michael Rosing oqarpoq.

Aaqqissuisut

Nunarput pillugu sammisaqarfik

%d bloggers like this: