Pele Broberg OECD-miillu aallartitat. Assiliisoq: Naalakkersuisut.

Aningaasat aqunneqassapput

Aningaasaqarnermut Naalakkersuisoq, Pele Broberg, qanittukkut OECD-miit tikeraartoqarpoq.

OECD tassaavoq nunat tamalaat akornanni aningaasarsiornikkut ineriartorneq pillugu nalilersuisarfik.

– Uagut aningaasaatigut nunatta iluani nalitusarneqassappata piginnittuuffiit akileraartarnermullu tunngasut ersarittariaqarput, aamma kunngeqarfiup Danmarkip iluani, Pele Broberg tikeraartoqarnermut atatillugu oqarpoq.

Nunatsinni ukiuni amerlasuuni, ukiumiit ukiumut nioqqutissiassat naleqalersitsinissarigaluat pinngitsoortartoq pillugu oqallittoqartarpoq. Soorlu aalisakkat pisarineqartartut nalitugaluartut, nunarput ukiumiit ukiumut pisuunngornerulertanngilaq.

– Tamanna unitsinniarlugu OECD suleqatiseraarput. Nunat assigiinngitsut akornanni suliffeqarfiit akitigut aalajangersaallutik aningaasanik nuussisarnerat (transfer pricing, aaqq.) unitsinniarparput. Suliffeqarfiit aningaasatigut nunatsinni inerisaanissaannut aqqutissiuunniarpavut, Pele Broberg oqarpoq.

Aaqqissuisut

Nunarput pillugu sammisaqarfik