Angu Motzfeldt Katuami

Angu Motzfeldt tusarnaarnissaanut tallimanngorpat periarfissaqarputit.

Taallanik sakkortuunik qanilaartunillu nuannarisaqaraanni Angu Motzfeldt kisimiilluni tusarnaartitsinissaanut peqataanissamut peqqutissaqarluarpoq.

Angu nipilersuusiaminik siullermik 2004-mi saqqummersitsivoq, taamani “Angu” saqqummersikkamiuk. Kingorna 2009-mi ”Burning Blue Skies” saqqummersippaa.

Ulluni makkunani saqqummersitassami pingajussaat suliarileruttorpaa, neriuutigalugulu ukioq manna saqqummersissinnaassallugu.

Silagissappat tusarnaartitsineq Cafetuap silataani pissaaq, silarlussappallu Inersuaaqqami tusarnaartitsineq pissaaq.

Sumi: Katuaq
Ulloq: 29. juuni nal. 17 – 18
Iserneq akeqanngilaq