Allorfiup unammisitsinerani ajugaasut

Aningaasanoorneq pillugu Allorfiup unammisitsinerani ajugaasuupput Nalunnguarfiup Atuarfiani atuaqatigiit 8.d aamma Atuarfik Hans Lyngemit atuaqatigiit 5.a. Tamarmik aningaasanoorneq pillugu filmiliorsimapput.

Atuartut Nalunnguarfiup Atuarfianeersut filmiliartik ”The gambler”-imik atsersimavaat, filmiliaallu pisuusaartitsineq nittartakkanillu takussutissiat atorlugit suliarineqarsimavoq.

Atuarfik Hans Lyngemi  atuartut aningaasanoornermut filmiliartik ”Ludomani” annikitsunik pisuusaartitsisillutik suliarisimavaat.

Filmit Allorfiup nittartagaani takuneqarsinnaapput: allorfik.gl.

Nunatsinni aningaasanoorneq annertusiartortoq Allorfiup oqaatigaa. 2014-mi innuttaasut peqqissusaannik misissuisitsinermi erserpoq, inersimasut akornanni ukiuni kingullerni ajornartorsiutaasumik aningaasanooriaaseqartut 7,2 procentimik amerlassuseqartut, taamaalillunilu 2005-imut naleqqiullugu marloriaatinngorsimasut. Katillugit 20 procentit 2014-mi nalunaarput ajornartorsiutigisaminnik aningaasanooriaaseqarlutik, 2005-imi taakku 13 procentiusut.

Atuaqatigiit ajugaasut aningaasanoorajunneq pillugu ataatsimeersuarnermi 2018-mi ukiakkut pisussami akissarsitinneqassapput.

Pineqartoq pillugu atuartitsissutissatut atortussat www.gambling.gl –imi suli aaneqarsinnaapput.