Assiliortoq: pk.gl

Allanneq nalugatta isumaqatigiissutit kinguarput

Inatsisartunut ilaasortaq, Tillie Martinussen (SU) naalakkersuisunut apeqquteqarpoq, sooq Naalakkersuisut aamma peqqinnissaqarfimmi sulisut peqatigiiffiata (PPK) isumaqatigiissutaasa atuutilerfissaat kinguaattoorfiunersoq.

– Isumaqatigiissutit naammassineqarnissaanut Namminersorlutik Oqartussani piginnaanerit  suut amigaataappat, Tillie Martinussen ilaatigut aperivoq.

Naalakkersuisunut ilaasortap Pele Brobergip (PN) nassuerutigaa, tamanna isumaqatiginninniartarfimmi sulisut pikkorlunnerannik pissuteqartoq.

– Peqqinnissaqarfimmi sulisunut isumaqatigiissutit atuutilerfissaat kinguaattuunngilaq. Akissarsianut isumaqatigiissutit atorunnaarsinneqaraangata isumaqatigiissutit qanganitsat isumaqatigiissutilluunniit atorunnaarsinneqartut nutaanik taarserneqartarput, Pele Broberg akissummini allappoq.

– Isumaqatigiissutit inernerisa atsiorneqarneranut atatillugu piffissap sivisunngitsup ingerlanerani aaqqiissuteqarfigineqarnissaat isumaqatigiissutigineqarpoq.

Aamma atuaruk: Napparsimasut katsorsarsinnaajunnaalerpagut

– Isumaqatigiissutinik atuutsilersitsinissaq siunertaralugu kiserngoruttoq tassaavoq, isumaqatigiissutit aaqqissuuteqqinneqartussaanerat – allanneqarsimaneranillu aaqqissuuseqqinnissaq siunertaqarpoq, isumaqatigiissutit paasiuminarnerulernissaat aamma ilinniakkat akimorlugit assigiiaarnerusumik atugassaqartitaanissap qulakkeerneqarnissaa, Pele Broberg qallunaatut akissummi allappoq.

Pele Brobergip ilanngullugu oqaatigaa, isumaqatiginninniartarfimmi pisortassaqannginneq ukioq ataaseq affarlu atuussimasoq.

Aaqqissuisut

Nunarput pillugu sammisaqarfik