Heather Daley, ukioq manna Alianait festivalimiit tunuartussaq oqarpoq, aaqqissuussineq aatsaat taamak iluatsilluartigisoq. Assiliisoq: Beth Brown / Nunatsiaq News

Alianait festival aatsaat taamak angusarissaartigisoq

Kalaallit maaniipput. Norgemiut allallu maaniipput. Nunarsuarmioqatitsinnit takuneqarpugut. Eqqumiitsuliortut ineriartorput. Taamak Alianait aqutsisua tunuartussanngortoq oqarpoq.

Tupersuaq poortorneqarsimalerpoq, peqataasut nunanit assigiinngitsuneersut juulip aallartinnerani sapaatip akunneranik sivisussusilimmik nalliuttorsioqataasimasut angerlamut aallareersimapput.

Alianaak festival ukiut 14-t ingerlanneqartarsimasoq nammassivoq. Nipilersortartut, isiginnartitsisartut allallu takutitsisartut pilersitsisartullu angerlakaapput.

– Iluatsitsivugut, aamma aatsaat taamak annertutigisunngorlugu aaqqissuussisimavugut, aqutsisoq Heather Daley Nunatsiaq Newsimut oqarpoq.

Aamma atuaruk: Nanook Iqalunni

– Alianait ingerlaannarnissaa kissaatigaara, aamma eqqumiitsuliortut peqatigiiffiata ingerlalluarnissaa pingaaruteqarpoq, Heather Daley oqarpoq.

– Siorna kiisami Nunavummi naalakkersuisut Alianait ataavartumik tapersersussallugu aalajangerput, aamma ingerlanneqartarnissaa tunngaviusumik tapersersorneqartaruni suliassap pingaarnersaa naammassineqarsinnaavoq: Nunavummi eqqumiitsuliortut siuariartornissaat, Heather Daley oqarpoq.

Alianait festivalimi peqataasut 70 procentii Nunavummeersuupput, kisianni aamma Kalaallit Nunaanniit, Norgemiit, New Zealandimiit allaniillu peqataasoqarpoq.

– Nanivaatigut – nunarsuarmioqatitsinnut nittarsaappugut, Daley oqarpoq.

Aaqqissuisut

Nunarput pillugu sammisaqarfik