Aalisarfissat killilersorneqarsimaffii. Assiliortoq: NAFO

Aalisarnermut inatsit – aamma Nunavummi

Nunavummi aalisarneq annertusiartortillugu inatsisit naleqqussarneqarnissaat pisariaqalersimavoq.

Nunavut pillugu isumaqatigiissummut aalisarneq naleqqussarneqassaaq, tamannalu ilaatigut Canadami qitiusumik naalakkersuisut suleqatigalugit pissasoq, Nunavut Tunngavik allappoq.

Inatsisit naleqqussarneqarnissaanut suleqatigiittut tassaapput qitiusumik naalakkersuisut, Nunavummi naalakkersuisut, Nunavut Tunngavik aamma Nunavummi avatangiisinut nakkutilliisoqarfik.

– Nunavut pillugu isumaqatigiissut aalisarneq, avatangiisit piniarnerlu ataqatigiissillugit ataqqillugillu suliaavoq, aamma Inuit pilisarnerat aalisarnissamullu pisinnaatitaaffii ilanngullugit, ataatsimoorullugu suleqatigiit avammut nalunaaruteqarput.

Missingersuutit siulliit aappaagu saqqummiunneqassasut naatsorsuutigineqarpoq.

Nunavut pillugu isumaqatigiissut ataqqillugu, suleqatigiit makkuninnga siunertalersuereersimapput:

  • Avatangiisinut aqutsisoqarfik nakkutilliinermut qitiulluni inissisimassaaq.
  • Pisassat aalisapilunneqannginnissaat qulakkeerneqassaaq.
  • Aalisarneq Inuit aningaasarsiorneranut iluaqutaasaaq, aamma Nunavut aningaasaqarniarneranut.
  • Quebec’imi Inuit suleqatigineqassapput.
  • Inuit pisinnaatitaaffii ataqqineqassapput, aamma piniartut pullasersortullu inissisimanerat ilanngullugit.

– Nunavummi aalisarnermut malittarisassat ineriartortinneqarnissaat pisariaqarluinnarpoq. Taakku aningaasarsiorsinnaanitsinnut qitiullutik inissisimapput, Nunavut Tunngavimmi siulittaasoq, Aluki Kotierk oqarpoq.

Aaqqissuisut

Nunarput pillugu sammisaqarfik