Aalisarneq qanoq isikkoqarpa

Kalaallit Nunaanni aalisarneq tamarmi avammut annissuinissamik siunertaqartutut isikkoqartartoq uteqqiasumik inuit akornanni eqqartorneqartarpoq.

Kalaallit Nunaata aalisarnerup iluani ilisarnaatigaa, suliarineqarsimanngitsunik annissuineq annertuumik ingerlanneqarmat – naleqarnerulersitsinissarigaluaq Kalaallit Nunaanni pinnani nunani allani pisarmat.

Apeqqummik qaqitsiumalersimanitsinnut pissutaavoq, qanittukkut Nunarput aalisartumit saaffigineqarmat. Taanna oqarpoq, Danmarkigooq aqqutigeqqaarnagu nunarsuarmut tunisassiorsinnaanani. Saaffiginnittoq toqqaannaq Nunat Avannarliit ilaannut aalisarsimasaminik tuniserusussimagaluarpoq, kisianni pisortanit ilisimatinneqarsimavoq, tamanna aatsaat Aalborgi aqqutigeqqaarlugu pisinnaasoq.

– Ulapputeqareeqqigama akiornissaat unitsissimavara, maannalu suut tamarmik Aalborgi aqqutigalugu ingerlappakka, aamma naak piffissaq sivisooq atorneqartariaqartaraluartoq, aalisartoq oqarpoq.

Saaffiginninnerani oqaaserpassuit aninneqartut tunngavigalugit Nunarput aalajangersimavoq aalisarnerup iluani pissutsit qanoq ippiarneri paasiniarniarlugu.

Aalisarneq Рnunatsinni avammut nioqquteqarfiit initunersaat Рqanoq inissisimava? Uani assersuutigissallugulu ukioq 2015 tigusimavarput, ukioq taanna paasissutissat tamarmik pigineqalersimammata.

Ataani siullermik amerlassutsit sammivagut. Sapaatip-akunnerata tulluani (sap. ak. 15) qanoq kaaviijaartitsinermut naleqarneri tikikkumaarpavut.

Ukioq taanna pisarineqartut tamarmik (221.863 tonsit) imak agguataarput:

Sinerissap qanittuani, tonsit:

Qaleruallit (assagiarsuit, kinguppaat)

35.594

Aalisakkat (saarulliit, qalerallit, suluppaakkat il.il.)

69.694

Katillugit

105.288

Avataasiortut, tonsit:

Qaleruallit (assagiarsuit, kinguppaat)

32.341

Aalisakkat (saarulliit, qalerallit, suluppaakkat il.il.)

64.001

Tulaassassat (25 % – saarulliit, kinguppaat il.il.)

20.233

Katillugit

116.575

 

Taakkunannga nunamut suliareqqitassanngorlugit tulaanneqartut annertussusaat imak isikkoqarput aamma illoqarfinnut ukununnga agguataarsimapput:

 

Tulaanneqartut katillugit, missingersorlugu tonsit:

Kinguppaat

33.737

Qalerallit

25.367

Saarulliit

32.867

Katillugit

91.971

Toqqaannaq avammut annissorneqartut, missingersorlugu tonsit:

Qaleruallit (assagiarsuit, kinguppaat)

34.194

Aalisakkat (saarulliit, qalerallit, suluppaakkat il.il.)

75.461

Katillugit

109.655

Qulaani pineqartut saniatigut aalisakkat toqqaannaq EU-mit aalisagassanngorlugit niuerutigineqartarput, taakkulu nunatta karsianut akiliutigineqartarput.

EU-p 2015-mi aalisagassai:

EU_2015

Kisitsisit atorneqartut amerlanerit Naatsorsueqqissaartarfimmit tiguneqarput.

Aaqqissuisut

Nunarput pillugu sammisaqarfik

%d bloggers like this: