Aalisarneq pillugu inatsit aatsaallu

Inatsisartunut qinersisoqarnissaa nalunaarutigineqarmat, inatsisiliassatut suliat tamarmik atorunnaarsinneqarput. Tamanna erseqqissumik Inatsisartut inatsisaanni allassimavoq.

Taamaakkaluartoq Aqqaluaq B. Egede (IA) juunip 20-ani Naalakkersuisunut apeqquteqarpoq, aalisarneq pillugu inatsisissatut siunnersuut aallaqqaataanniit suliarineqassanersoq, tassani tunngavilersuilluni inatsisissatut siunnersuut annertuumik inuiaqatigiinnut attuisussaanera pissutigalugu sukumiisumik oqallisigineqarnissaa pisariaqartoq.

Naalakkersuisut akissutiminni uppernarsarpaat, inatsisissatut siunnersuut aallaqqaataanniit suliarineqalissasoq, kisianni inatsisip qanoq imaqarnissaanik Naalakkersuisut ilisimatitsinianngitsut.

– Paasissutissat tamakku Naalakkersuisut kisimik susassaqarfiattut isigineqarput, Aalisarnermut Naalakkersuisoq, Erik Jensen (S) allappoq.