Kilisaat ‘Norðborg’.

Aalisarneq iluatsinngilaq

Savalimmiormiut nunatta Kangiani avaleraasartoorniarlutik misiliigaluarlutik iluatsitsinngitsoorput, maannalu qassutit qaqissimalerlugit angerlamut saassimapput.

Kilisaatit ‘Norðborg’ aamma ‘Christian í Grótinum’ Kangiani aalisariarsimagaluarput, kilisaatillu naalagaat jn.fo-mut oqarput, immami kiak nillerlu akulerussuullutik pissuseqarnerat pissutigigunarlugu aalisarneq iluatsinngitsoortoq.

Taakku ilanngullugu oqarput, kalaallit aalisariutaat assinganik oqariatortut.

Aaqqissuisut

Nunarput pillugu sammisaqarfik